2024 og starten på 2025 har vore ein aktiv periode for Vest-Telemark Næringsforum (VTNF), med mange arrangement, samarbeid og nye initiativ som har styrkt næringslivet i regionen.
Vi har arrangert fleire frukostmøte i samarbeid med aktørar som Sparebanken DIN Telemark, NHO Vestfold og Telemark, Telemark Næringshage (TNH) og Omstillingsprogrammet i Kviteseid (Frampå). Vi har òg gjennomført kurs i styresertifisering og sosiale medium, sistnemnde i samarbeid med fleire lokale næringslag.
I tillegg har vi støtta opp om og hjelpt til med marknadsføringa av lokale og regionale arrangement som Vest-Telemark-konferansen og rekrutteringsworkshopen i Vrådal. Vi har òg vore stolt samarbeidspartnar for både Midtvest-konferansen og Telemarkskvelden i Oslo, i regi av Telemark fylkeskommune.
Som ein del av arbeidet med synleggjering av næringslivet har vi publisert fleire artiklar om medlemmene våre og gitt innspel i høyringssaker. Våre over 70 medlemsverksemder har fått jamlege nyheitsoppdateringar via nyheitsbrev og sosiale medium.
Årsmøtet blei halde 17. juni i Seljord, og der blei det valt nytt styre. Det skal òg veljast nytt sekretariat, som skal bidra til å utvikle forumet vidare i åra som kjem.
Klikk her for å lese protokoll frå årsmøte.
Vi takkar for godt samarbeid i 2024 og ser fram til nye prosjekt, møteplassar og utviklingsarbeid i 2025!